1984 онд Олон Улсын Стандартчилалын Байгууллагаас (International Standards Organization -ISO) нэгэн төрлийн бус төхөөрөмжүүдийг холбох сүлжээний архитектурыг дүрсэлэн багц зааврыг (specification) боловсруулан гаргасан байна. Анхны энэ баримт бичиг нь мэдээлэл солилцох ижил стандарт, протоколыг ашиглдаг нээлттэй гэгдэх системүүдэд л зөвхөн хамаатай байв. 1984 онд ISO –с “Нээлттэй системүүдийн харилцан ажиллагааны загвар” (Open System Information Reference Model) гэсэн шинэ зааварыг боловсруулсан нь сүлжээний бүтээгдэхүүн үйлдвэрлэгчдийн дагаж мөрдөх олон улсын стандарт болсон. Сүлжээний техник, бүтээгдэхүүн үйлдвэрлэгчид OSI загварын дагуу ажилладаг бөгөөд OSI загвар нь хэрэглэгчдэд сүлжээний үйлдлүүдийг түвшин бүрээр харж ойлгох боломж олгодог. Сүлжээгээр өгөгдөл дамжуулах процессыг OSI загварын дагуу 7 үе буюу түвшинүүдэд хуваан авч үздэг байна. Түвшин болгонд тодорхой үүрэг, төхөөрөмж, протокол харгалздаг байна. Үүнд доод түвшин нь өгөгдлийг дамжуулах физик орчин, түүний функцыг тодорхойлдог бол дээд түвшин нь программыг ямар аргаар дамжуулалтанд холбохыг тодорхойлдог. Өөрөөр хэлбэл доод түвшин нь техник хангамж, дээд түвшин нь программ хангамж чиглэлтэй байдаг байна.
No comments:
Post a Comment